Wananchi watakiwa kutunza mazingira

Na ASIA KILAMBWANDA, Mtwara                                                     

 Wananchi Mkoani  Mtwara wametakiwa kutotupa taka hovyo hususani katika maeneo ya pwani ya bahari ya bandari ya Mtwara na badala  yake watunze na kuhifadhi maeneo hayo kwa kuwa ni sehemu ya vivutio vinavyoingiza pato la Taifa kwa ajili  ya vizazi vya sasa na vijavyo.

           "Pwani ya Mtwara imepata athari kutokana  na watu wengi kutupa taka hususani mifuko ya plastiki na chupa za maji hali hii inatokana na watu wengi kutokuwa na elimu  ya mazingira",alisema Okachu.

       Kauli hiyo imetokana na katibu wa Occupational safety  Health  and Environment (OSHE), Melessy Edward Okachu wakati akiongea na waandishi wa Habari katika ofisi yake iliyopo katika bandari ya Mtwara kuhusu ushiriki wao katika kuadhimisha siku ya Mazingira ambayo itafikia kilele chake tarehe 5 mwezi wa 6 mwaka huu.

   Aidha Okachu amesema kuwa tatizo la uchafuzi wa mazingira linatokana na wananchi kwa idadi kubwa ya wananchi  wasio na elimu ya mazingira jambo ambalo amelitaja kuwa changamoto inayotakiwa kufanyiwa kazi kwa haraka.

Tafiti zinaonekana kuwa  asilimia kubwa ya upatikanaji wa maji yanatokana na uwepo wa mazingira yaliyojitosheleza kwa kukidhi mahitaji hivyo watu wanatakiwa kubuni njia mbalimbali za  kukabiliana na uharibifu wa mazingira.

       Wakati wa uandaaji wa mkakati wa kukuza  uchumi na kupunguza  umaskini  (MKUKUTA wa kwanza na wapili) wadau wa mazingira walijalibu kubuni njia  za kukabiliana na uhalibifu wa mazingira  mbinu hizo  zililenga kupunguza idadi ya watu wanaotuma  kuni na mkaa asilimia 90  hadi 80.

      Aidha athari zinazotokana na kuwepo uharibifu wa mazingira n pamoja  na uharibifu  wa tabaka la hewa ya ozone, magonjwa ya ngozi , ongezeko la Joto , ukame na mabadiliko  ya tabia ya  nchi.