T4PC-afrovision inajihusisha na uhamasishaji kwa wananchi pasipo kubagua jinsia au umri katika kuhakikisha kila mwanajamii kwa nafasi yake anakuwa mfano wa kuleta mabadiliko yenye tija kwa jamii yake.

T4PC mbali na kuwa na malengo ya kuanzisha vikundi vya uhamasishaji,inatumia mfumo wa upashaji habari na makala kuhusu masuala mbalimbali ya kisiasa,kijamii,uchumi na imani ambayo yataweza kumjenga mwanajamii katika misingi ya kuwa na fikra endelevu na zenye tija katika jamii husika.

Pamoja na hayo T4PC inashirikiana na chama cha waandishi wa habari mkoa wa Dodoma kuhakikisha jamii inakuwa na uelewa wa kutosha juu ya masuala yahusio haki za binadamu,UKIMWI,elimu afya na mazingira na namna ya kujijenga kiuchumi kuanzia ngazi ya kaya.