KEYNOTE FROM HON.DR.JAKAYA MRISHO KIKWETE-PRESIDENT OF THE UNITED REPUBLIC OF TANZANIA
Kwako Bwana James Lushi,

Napenda kukushukuru kwa barua yako ya wazi kwa Rais wa Jamuhuri ya Muungano wa Tanzania.

Na pia nachukuwa nafasi hii kukujulisha kuwa Rais anakushukuru kwa ushauri wako mzuri uliotoa katika barua yako. umechambua mambo mbalimbali kama vile umasikini na vyanzo vyake na athari zake.

Vilevile umeongelea suala la vijana na matatizo yao hasa katika suala la ukosefu wa ajira.

Pia anakupongeza kwa juhudi zako katika kushughulikia watoto katika mazingira magumu kwenye maeneo ya mashamba makubwa yaani Protection and Survival in Commercial Farms(CHIPS-CF). Anakutakia kila la heri na kusihi uendelee na moyo huo huo kwani ujenzi wa Taifa hili ni kazi ya Watanzania wote.

Katika moja ya mapendekezo na ushauri ulioutoa kwa Rais juu ya kupambana na umasikini ni kuwa watu wapewe ardhi bora na utaalamu wa kutosha.
Kama wewe ni mfuatiliaji wa shughuli za Rais, nadhani utagundua kuwa mara nyingi Rais amekuwa akisisitiza kuwa katika mambo anayoyapa kipaumbele katika utawala wake ni kilimo bora na cha kisasa, na ndiyo maana anasema kila mara kuwa Tanzania yenye neema ,na maisha bora kwa kila Mtanzania inawezekana.Ili mradi kila mmoja atimize wajibu wake.

Tafadhali endelea kutoa ushauri na pia endelea kujenga Taifa letu la Tanzania ili kila mmoja wetu aridhike na maisha anayoishi.

Ahsante sana.