TUINUANE COMMUNITY ORGANIZATION.

MPANGOKAZI 2016/2021

1.UTANGULIZI                              

TUINUANE ni asasi iliyoanzishwa mnamo tarehe21 March 2012 na kusajiliwa kufanya kazi zake katika Manispaa ya Bukoba, namba yake ya usajili ni BMC/KCJ/12/869

Lengo na madhumuni ya asasi hii ni kuondoa au kupiga vita umaskini uliokithiri miongoni mwa jamii hasa kuanzia katika ngazi ya familia.

TUINUANE itawashirikisha wananchi katika kuwajengea uwezo wa ufahamu juu ya utambuzi, kuibua matatizo ndani ya jamii husika na kutafuta njia mbadala ya kukabiliana nayo.

Aidha asasi hii itaandaa mipango shirikishi kijamii yenye kuzingatia mahitaji na vipaumbele na kwa kuzingatia rasilimali zilizopo, kufanya tathimini kabla ya na baada ya utekelezaji wa programu na hivyo kuwepo kwa miradi endelevu yenye kuleta mabadiliko yanayotarajiwa ndani ya jamii.

TAFSIRI

TUINUANE katika tafsiri yake ni ushirikiano wenye lengo la kuwafanya wahusika kuwa katika hali sawa ya kimaisha, hivyo wahusika wanaamua kwa pamoja kufanya jitihada za makusudi kukwamuana kutoka hali duni na kuwa bora zaidi.

TUINUANE inatambua haki na wajibu wa kushiriki na kushirikishwa katika kujenga ufahamu na namna ya kutatua tatizo linalomkabili kila mtu kwa nafasi yake.

DIRA

-      Kuwa na asasi yenye ubunifu wa hali ya juu na utatuzi wa mambo yote yanayokinzana na maendeleo na ustawi wa watu.

DHAMILA

-      Kuwashirikisha wadau wote wa maendeleo kuinua hali duni ya maisha kuanzia ngazi za familia na Taifa kwa ujumla.

 

MALENGO NA KAZI ZITAKAZOFANYIKA

TUINUANE inatarajia kutekelelza program zake katikaManispaa ya Bukoba.

Asasi yetu itatoa uamusho wa ufahamu kwa jamii vijana ,wanawake na wanaume juu ya kuanzisha na uimarishaji na uboreshaji wa kazi (ajira) walizonazo na pale inapowezekana wasaidiwe namna ya kubuni kazi mpya ambazo hazijaguswa na wananchi kwenye mazingira yao.

UFUGAJI, KILIMO, USINDIKAJI, SANAA, MICHEZO,UJASILIAMALI NA UFUNDI ni miongoni mwa shughuli zitakazopewa kipaumbele ili kuondokana na tatizo la ajira na umasikini.

Asasi itawawezesha vijana na wanawake kusimika moyo (Ari ya kutochagua kazi) ili mradi iwe kazi halali na itakayompatia kipato cha uhakika. Tutawajengea uwezo wa kujiamini, watawezeshwa na kuwaongezea elimu ya ujasiliamali kama njia bora ya kufikia ndoto za maendeleo.

 

I: SABABU INAYOPELEKEA PROGRAM/MIRADI ITEKELEZWE KWA SASA

Ukosefu wa ajira /kazi miongoni mwa vijana ni tatizo katika jamii yetu,kuwepo kwa kundi kubwa la vijana wanaozurura, wanaoshinda “vijiweni” kwa makundi makundi, wakicheza kamari, pool, karata/draft na wengine wakinywa pombe kali ya (viroba ) wakati wa saa za kufanyakazi.

Hii ndiyo sababu kubwa inayotulazimu TUINUANE kushawishika na kujitosa kusaidia juhudi zinazofanywa na serikali na kwa pamoja tuweze kutatua na kutafuta ufumbuzi suala la ukosefu wa kazi kwa wanawake na vijana.

Aidha takwimu za Manispaa ya Bukoba zinaonesha kuwa asilimia kubwa ya vijana wanaomaliza darasa la 7 hawaendelei na elimu ya sekondari. Ni asilimia 0.1% ya vijana waliomaliza darasa la saba ndio wanaojiunga na vyuo kama VETA. Hivyo asilimia 99.9% wanaingia katika ajira isiyorasmi au hawapati ajira kabisa.

Vijana wengine vijijini hawana mwamko wa kazi za ufundi mchundo, za kuvuja jasho na kuthubutu kufanya kazi za ujasiliamali na hivyo hukimbilia mjini na kuongeza tatizo la uzurulaji.

Wengi hulazimisha kutafuta kazi za kuajiriwa serikalini au kwenye sekta binafsi, hata kama hawana elimu ya kutosha yenye sifa ya vyeti. Wanaposhindwa hawapo tayari kujifunza kazi za ufundi na za kuvuja jasho, ni vema sasa kuwashawishi kujiunga na ufundi na ujasiriamali kwa kuwatafutia nafasi za masomo k.m. VETA, SIDO au kwa mafundi uashi binafsi.

 

Kama tusikiavyo KAEMP,KADETFU,KCU,WORLD VISION,nk Ndivyo na TUINUANE yaelekea kuwa. Ila bado ni changa . Imeanza na vikoba sasa imetaka kuongeza kasi yake katika Nyanja nyingine ili tuweze kufaidi kasi hii yabidi jamii tukae na tuamue TUINUANE itusaidie nini baada ya kuchambua matatizo yetu katika mazingira magumu.  

 

TUINUANE inayo malengo mazito ambayo yamewekwa baada ya kuona hali yetu .Mipango ya 2016/21 ndani ya mtaa/Manispaa ni kulenga kubadilisha harakati za hali tuliyonayo ili tuwe na maisha bora katika kila fani, TUINUANE haiwezi kufanikisha lolote iwapo wanajamii hatuko tayari.Pia sisi ndio tupendekeze lipi tunahitaji au lipi litangulie kuliko mengineyo.Basi kuna umuhimu wa kutafiti kero zinazotusibu katika mtaa wetu/Manispaa ili tuelewe ni mchango gani tunaweza kuutoa au kuhitaji kutoka kwa wafadhili wa ndani au nje.

 

2.BAADHI YA MATATIZO NDANI YA MTAA/MANISPAA YA BUKOBA.

Yafuatayo ni baadhi ya matatizo ambayo TUINUANE imegundua ndani ya MTAA/MAMISPAA .

*Ukosefu wa mitaji ya biashara na miradi midogo na mikubwa.  

*Uchumi duni katika ngazi ya kaya      

*Kukosa akiba ya fedha au chakula nyumbani.

*Migogoro ya kifamilia .                                        

*Vijana hawaendi Sekondari au Ufundi .                        

*Ajira imekosa Vijana wanalandalanda mtaan

 *Ukosefu wa Viwanda vya kusindika vyakula

*Ukosefu wa elimu ya ujasiliamali                            

*Ushiriki duni katika mipango ya maendeleo.                                

*Ongezeko la watoto wa mtaani na yatima.                                                   

 *Unyanyasaji kwa Wenye ulemavu na wakongwe

*Mashirika na wafadhiri hatuwafaidi kama mashirika mengine                                                    

*Maambukizi ya Ukimwi yanaongezeka.                                            

*Semina za Maendeleo na Miradi ni kidogo.                              

*Hatujatembelea walioendelea ndani/nje ya Bukoba/Tanzania.                                                                    

*Kutotakiana mafanikio bado ni kero.                                                                        *Ulevi,Ngonozembe,Magonvi bado ni changamoto

*Uwajibikaji duni wa viongozi katika kutafuta haki za raia wao.                                                                                                

 *Wawekezaji toka nje bado hawatoshi.

Upotevu wa mila na desturi

3.MIPANGO YA TUINUANE .

Baada ya TUINUANE kutumia wadau na kugundua kero zetu,tayari imedhamilia kushirikisha jamii kufanya mipango yao kuleta mabadiriko na kuelekea hali bora katika miaka mitano ijayo, 2016/21.Kazi hii siyo rahisi,yahitaji mipango madhubuti na kila mtu kuwajibika vilivyo.

TUINUANE inaamini kuwa kila mwenye akili,uhuru na utashi anaweza kubuni na kuleta maisha mapya.

 

4.LENGO:KUWEKA NA KUKOPA

Hatari na kiboko cha umaskini kwa watu wa hali ya chini ni SACCOS yaani Chama cha Kuweka na Kukopa.                     .                                                        

Ili kukwepa na kusahau kero nyingi, TUINUANE inaalika wanajamii kushiriki uanzishwaji wa SACCOS mapema , Utaratibu na uendeshaji wa SACCOC utaelezwa na wataalamu.Kinachohitajika ni utayari wa kila mtu kushiriki uanachama huku akiwa na lengo la kuinua kipato chake binafsi na familia yake kwa ujumla.                                                

 

FAIDA ZA KUSHIRIKI SACCOS:                                                          

*Kupata mtaji nafuu wa kilimo,biashara,ufugaji hadi kusomesha watoto au huduma za afya.                                        

*Uwezekano wa kupata semina na warsha za maendeleo binafsi na jamii au mazingira.                                                                                              

  *Kuongeza ushirikiano au marafiki zaidi tokana na ushirika huu wa kuinuana.                                                                 

  *SACCOS itakuwezesha kutembelea sehemu nyingi ndani na nje ya Wilaya.                                                                                                  

  *SACCOS itasaidia tupate huduma nyingineyo kama duka, Zahanati,mashine ya kusaga nafaka,viwanda vidogo vidogo.                                                                                                       

  *SACCOS itachangia maendeleo binafsi na jamii kiujumla.                                                

TUINUANE GROUP inataka ukweli na uwazi ili kila mtu ashirikishwe kikamilifu katika mpango kazi.                                                    

Mashirika mengi kama CREDIT kulitokea kuboresha mashamba yao,kutembea ndani/nje ya mazingira huku wanafarijiana licha ya kuongeza Elimu na uelewa wa mbinu mbalimbali za kujikimu kimaisha.

 

TUINUANE inapenda wazee wasaidiwe na kuthaminika hasa huku wanatoa maarifa yao kwa kizazi kipya kwa kurithisha tamaduni za kiasili.

 

(b)WATU WENYE ULEMAVU:Walemavu ni wa aina nyingi na hawa wote wanastahili haki sawa na watu wengine.                                                                                                                                              Pamoja na yote TUINUANE inakumbusha jamii iwahudumie wagonjwa na kushiriki katika shida na raha kama msingi wa Asasi hii.

                                                                                                         (C)YATIMANAWAJANE:                                                                                                            Hili ni kundi linaloongezeka hasa sababu ya UKIMWI.Ni wajibu wa kila mwana jamii kutambua kuwa Ukimwi ni tatizo na jamii ilizungumzie kila pembe na kudhibiti fursa zote zinazoendekeza tatizo hili .

 

TUINUANE ingependa tuwajali wajane na yatima wenye shida ndani ya jamii yetu,yatima wapate mahitaji kama watoto wenye wazazi tukitanguliza upendo na huduma kwao.

TUINUANE itasomesha yatima wakishirikiana na jamii inayowazunguka kwa misaada ya ndani na nje pale itakapowezekana . Akina mama na wajane wanavyovipaji vingi hasa uzalishaji,kazi za mikono kuchangiana nguvu/fedha,hii itapewa kipaumbele katika mafunzo mbalimbali yatakayotolewa na Asasi hii.

TUINUANE imeunda mtandao wa kutumia rasilimali wanawake wainuke kiuchumi/maendeleo huku wanafarijiana. Mwanamke ni nguzo ya familia yabidi wawezeshwe kwa njia ya semina,matembezi na ushindani ndani/nje ili waibukie kubadili sura ya kipato cha familia.

(d)VIJANA WA MTAA WA NYAKANYASI.                                                                                  Vijana ndio tegemeo la Jamii popote duniani maana ndio wana nguvu za kuleta mabadiriko ya haraka.Ni kundi lenye sauti katika Serikali,Siasa ,Dini, Maendeleo,Michezo/Burudani hata ndani ya familia.                                                                                                                    

 

TUINUANE inataka umoja wa vijana ili kuwezesha stadi,ajira,michezo kuthamini kilimo/ufugaji na biashara kwa njia ya kitaalamu.

 

8.LENGO V:DARASA LA UFUNDI;                                                                    

Vijana ambao hawakwenda Sekondari wanahitaji ajira au kuajiliwa.Wanapashwa kufundishwa stadi mblimbali kama ufundi seremala,uashi,ushonaji,kazi za mikono,mapishi bora na maarifa ya nyumbani.Pia upo umuhim kuelimisha juu ya kilimo bora ,ufugaji na mbinu nzuri za miradi/biashara.

Vijana wapanuke upeo baada ya kuzuru sehem za ndani/nje ya mazingira.

Watashiriki michezo,mashindano,midahalo,semina /warsha huku wanakutana na fikra tofauti kutoka kwa watu mbalimbali.  

 

9.MKAKATI WA KUSTAWISHA MALENGO YA TUINUANE KWA 2016/21                                                                                                                               TUINUANE, ingependa Kasi mpya,Ari mpya na Nguvu mpya viguse kila mlengwa wa maendeleo.Ni wakati wa watu wote kuamka kwa namna yake ili wawezeshwe kuonja utamu wa maendeleo ya kisasa.Itakuwa furaha ya TUINUANE kila mtu akiishi mazingira bora,lishe inayofaa,afya nzuri,ustaarabu kuepuka maambukizi ya Ukimwi,kushiriki utandawazi kuwa na akiba,amani ya roho,uhusiano mwema na jirani kuishi uraia na imani za kidini licha ya kupokea mabadiriko ili kuendana na wakati.                                                                              Ufanisi wa mipango ya TUINUANE utategemea mwamko wa jamii pindi wametambua kero na kuanza mkakati wa kuleta mabadiliko kiasi.

Mwamko wa maendeleo unategemea sana uelewa wa wananchi kuona tatizo wenyewe,kulitafutia ufumbuzi kwa njia shirikishi.Basi TUINUANE ipo nyuma ya wote wenye mapenzi mema.

Ili tufikie malengo tegemewa inabidi jamii iwe na wakereketwa kimaendeleo,watu wawe na uchu wa kubadirika kwa ubunifu na moyo wa ushindani.