SHANGWE COUNSELING CENTRE: FCS Narrative Report

FCS Narrative Report

Utangulizi

A. Jina kamili la asasi

SHANGWE COUNSELING CENTRE

B. Jina linalotumika mara kwa mara

SHAC

C. Jina la Mradi

Kuimarisha utawala bora kwa wanawake Vijijini.

D. Namba ya Mradi

FCS/MG/2/10/099

E. Kipindi cha Utekelezaji wa Mradi kinachoripotiwa

Tarehe: 23March,2011-23May,2011

Kipindi cha Robo mwaka: 1

F. Mratibu wa Mradi

Samuel Philimon Ngwipa
P.o.Box 3101
Mbeya
Tel: 0764047354

Maelezo ya Mradi

A. Mradi wenu uko kwenye Eneo gani muhimu linalofadhiliwa na the Foundation?

Utawala Bora na Uwajibikaji

B. Eleza kwa kifupi mradi wenu unakidhi namna gani malengo ya eneo muhimu ulilochagua hapo juu.

Mradi huu unakidhi malengo muhimu ya eneo tulilochagua kwa sababu inalenga vipengele muhimu vya utawala bora kama vile utoaji elimu juu ya haki za wanawake katika jamii na uwajibikaji wa viongozi wa ngazi mbalimbali za vijiji na wilaya kwa ujumla katika kuwashirikisha wanawake kwenye masuala ya maendeleo yao.

C. Taja maeneo (Mkoa, wilaya, kata, na vijiji) ambayo mradi wenu utatekelezwa na idadi ya watu watakaonufaika

Mkoa	Wilaya	Kata	Vijiji	Idadi ya Wanufaika
Mbeya	Rungwe	Mpuguso, Kisondela,Bulyaga,Bujela,Lufingo,Kyimo	Simike, Kalalo, Kagwina,Itete,Lugombo,Ipongola,Igalabwe, Bulyaga juu, Igamba, Bulyaga kati,Mtindo,Bugoba,Lutete,Kisuba,Ndubi,Kibatata,Nampuga,Ilenge,Isyukula,Kibisi,Kyimo, Katabe,Mibula,Ipumbuli,Isaji,Bujela,Isongola,Ipombo,Kyamandege,Segela	150

D. Idadi kamili ya wanufaika

	Walengwa wa moja kwa moja	Walengwa wasio wa moja kwa moja
Wanawake	93	682
Wanaume	57	368
Jumla	150	1050

Shughuli na Matokeo ya Mradi

A. Matokeo ya Awali kama yalivyo kwenye kiambatanisho E cha Mkataba

Wanawake 93 na wanaume 57 wameweza kupata elimu juu ya utawala bora na haki za wanawake katika nyanja mbalimbali, na baada ya mafunzo hayo wanawake na wanaume hao wameanza kutoa elimu waliyoipata kwa jamii katika maeneo yao vijijini kwa kuzingatia mpango kazi walioupanga baada ya semina.

B. Shughuli zilizopangwa kutekelezwa katika kipindi hiki cha Utekelezaji kama ilivyo kwenye Mkataba

1. Kuendesha mafunzo juu ya haki za wanawake na utawala bora
2. Waliopata mafunzo yaani wakufunzi kutoa mafunzo katika vikundi mbalimbali vya kijamii

C. Mafanikio kwa Kipindi hiki cha Utekelezaji

kilichofanyika ni utoaji wa mafunzo juu ya utawala bora na haki za wanawake, ambayao yalitolewa kwa awamu tatu tofauti tarehe 4 April - 8April 2011, 11 April - 15 April 2011, 19 April - 23 April 2011 katika kata sita za wilaya ya Rungwe ambazo ni Mpuguso, Lufingo, Kyimo, Bujela, Bulyaga na Kisondela. Washiriki waliopata mafunzo haya ni wanawake .93 na wanaume 57 amabao waliandaa mpango kazi kwa ajili ya kutekeleza mradi..Baada ya Mafunzo wakufunzi mia moja walipewa vitini ili kuweza kuendesha mafunzo juu ya haki za wanawake katika vijiji vyao.Mafunzo hayo yalianza tarehe 10/5/2011 Masuala yaliyoshughulikiwa ni Wanawake 3 walionyang,anywa Mali baada ya waume zao kufariki Dunia, Msaada wa rufaa ya kwenda kituo cha sheria kwa Mwanamke mmoja toka Lufingo anayepigwa mara kwa mara na mumewe, Wanawake 2 katika kata ya Mpuguso waliobakwa na kushindwa kutoa taarifa popote kwa kuogopa kutengwa na wanajamii.Maelezo ya wanawake hao ya awali yamechukuliwa na kuwasilishwa kwenye kituo cha msaada wa kisheria Mbeya Mjini.

D. Kama kuna tofauti zozote ni kwa sababu gani?

Hakuna Tofauti

D. Rasilimali

mafunzo zilitumika 16,200,000/=
Wakufunzi kuendesha mafunzo katika vijiji vyao 3,600,000/=
Uandaaji wa vitini 750,000/=
Uandaaji wa washiriki 200,000/=
Manunuzi ya Pikipiki 1,850,000/=

Mafanikio au Matunda ya Mradi

A. Matokeo ya kati/mabadiliko ya muda mfupi yaliyotarajiwa kama yalivyo kwenye kiambatanisho E Mkataba

Wanawake walio katika mazingira duni na migogoro mbalimbali wamepata fursa ya kushiriki katika kutoa maamuzi kwa kuzingatia haki zao mfano wanawake 7 katika kata ya Bujela, Kisondela na Lufingo wamejiunga kwenye mabalaza ya ardhi ili kuhakikisha maslahi yao katika ardhi yanaangaliwa ipasavyo.

B. Mabadiliko yaliyoletwa na Mradi

Wanaume wamekuwa na mwitikio mkubwa katika kutambua na kuheshimu wanawake na haki zao kwani wao wenyewe wamekuwa hodari katika kuendesha mafunzo vijijini juu ya kuheshimu wanawake na haki zao, wameonyesha dhamira njema katika kutetea haki za wanawake ,badiliko hili si la kawaida kwa wanaume wa kabila la kinyakyusa ambalo kiwango cha mfumo dume ni kikubwa.

C. Mabadiliko mengine yoyote yanayotokana na utekelezaji wa shughuli za mradi huu

Badiliko jingine kubwa ni upande wa wanawake kuonyesha kujitambua wao wenyewe mfano mmoja ni kwa upande wa wanawake 3 wa kata ya Kyimo walioonyesha dhamira kubwa ya kuchukua hatua katika kudai ushiriki wao kwenye mabalaza ya kata na mabalaza ya ardhi, na kupewa nafasi hiyo.

D. Sababu za tofauti ya mabadiliko kama zipo

HAKUNA

Mambo Mliyojifunza

Eleza Uzoefu na Mawazo yoyote mapya mliyoyapata kutokana na kutekeleza shughuli za mradi huu

Maelezo
Wazo jipya tulilolipata katika kutekeleza mradi huu ni kwamba wanaume wakipata elimu ya kweli na ya kutosha juu ya haki za wanawake wanabadilika na wanapata mwitikio mkubwa pindi wanapoelimisha jamii juu ya haki za wanawake, kwani hata wanaume wenzao huwasikiliza kuliko mwanamke kusikilizwa kutokana na hali ya dharau iliyojengeka katika jamii kwamba mwanamke hapaswi kusikilizwa, kwa hiyo wanapoelimisha jamii juu ya haki za wanawake, kwa mwanamke ni faida kubwa.
Wazo jingine ni kwamba pamoja na harakati nyingi za ukombozi kwa mwanamke zinazoendeshwa na asasi mbalimbali Tanzania, bado hali ya mateso kwa mwanamke wa kijijini ni kubwa, wanawake bado wanabakwa, wanapigwa, wananyimwa nafasi za ushiriki katika mipango ya maendeleo, kiujumla hawasikilizwi, hivyo bado tunakazi kubwa ya kufikia Wilaya yote ya Rungwe hasa tukilenga kuelimisha wanaume na viongozi wa vijiji.
Bado viongozi wengi wa vijiji ni madikteta, wananchi wananyanyaswa na kupewa adhabu na faini zisizo na msingi, mfano washiriki wawili waliochelewa mafunzo tuliyokuwa tukiendesha kwa sababu za kufiwa , Mtendaji aliposikia hawajafika kwenye mafunzo kesho yake walipokuja aliweza kuwapigisha magoti kwa muda mrefu na kuwaamuru warudishe posho walizopewa kwenye mafunzo na faini ya elfu kumi kila mmoja kwa ajili ya mgambo aliyewafuata, kwakweli kama shangwe tulikataa wale akinamama kuturudishia posho, lakini ile faini ya mgambo aliwaamuru watoe, kwa kweli wenzetu vijijini wanateseka na hawa viongozi wa kata na vijiji. Yaani viongozi hao wanaabudiwa ni mungu watu.
Katika kutekeleza miradi mingine inayokuja , kama tutaendelea kuwa pamoja, tumegundua ni vema kutenga fungu la msaada wa kisheria kwa wanawake, kwani tumekutana na kesi nyingi za uonevu na manyanyaso juu ya wanawake zinazohitaji fedha kwa ajili ya msaada wa kisheria lakini tumekwama, japo kesi zingine zilizokuwa ni mbaya sana ilibidi tuchangie kutoka mifukoni mwetu ili kuweza kunusuru hali zilizokuwa zikiendelea.
Jambo jingine muhimu tulilojifunza ni kuhamasisha wanasheria sasa kufungua matawi yao vijijini hasa wanasheria wanawake kwani mateso ya wanawake vijijini ni makubwa sana kuliko mjini ambako wanawake wengi mjini wanatambua haki zao, katika miradi ijayo tumeona vema kutenga fungu kwa ajili ya kuhamasisha wanasheria na watetezi wa haki waliopo mjini wakitafuta ajira wafungue matawi vijijini kazi zipo nyingi.
Wanawake wa vijijini ni waelewa sana na wanakiu ya kujifunza na kutafiti mambo muhimu yanayoendelea katika Nchi yetu.

Changamoto

Eleza masuala yaliyochangia katika kutofikia malengo ya utekelezaji wa shughuli na namna mlivyokabiliana nayo.

Changamoto	Namna mlivyokabiliana nazo
Changamoto ya kwanza ni kwa ajili ya wanawake 30 waliokuwa wakihitaji msaada wa kisheria, ilikuja kugundulika kwamba ni kweli msaada wa kisheria ni bure kwa wanawake katika vituo kadhaa, lakini kuna mambo mengi yanayohitaji fedha, mfano nauli ya nenda rudi, malazi, chakula nk., mahitaji hayo hayakuwekwa kwenye bajeti	Tuliweza kuwasaidia wanawake wawili ambao kesi zao zilikuwa mbaya za kubakwa tulichangisha kiasi cha shilingi laki 340,000/=, kwani mmoja wao aliyebakwa alizaa mtoto ambaye pia alikuwa anahitaji huduma za matibabu, mpaka sasa kesi zao zinasimamiwa vema na mwansheria husika, japo mbakaji mmoja amekimbia mji.
Kuchelewa kwa ruzuku kutoka FCS ambapo wanajamii waliona kwamba tunawadanganya na hivyo kutaka kuharibu kusudio zima la mradi.	Ruzuku ilifika na tulitekeleza mradi kama inavyotakiwa na hivyo tulimaliza changamoto hiyo na jamii ikafurahi.
Wanawake vijijini kuwa na hofu pindi wanapofanyiwa ukatili hawawezi kusema , wakisema hutengwa hata na wanawake wenzao	Mafunzo yaliyoendeshwa yameweza kuwabadilisha na sasa wanaweza hata kujieleza mbele ya jamii.

Mahusiano

Eleza mahusiano na wadau wengine

Wadau	Namna mlivyoshirikiana nayo
Vyombo vya habari mfano ITV, NIPASHE NA MWANANCHI	Vyombo vya habali viliweza kurusha shughuli zetu hewani na kuufanya mradi kutambulika na jamii kubwa
Serikali ya Tanzania	Mkuu wa Wilaya ya Rungwe ndiye aliyefungua mafunzo tuliyokuwa tukiendesha. Watendaji wa kata na vijiji waliweza kutoa ushirikiano mzuri katika kuwatambua washiriki waliopata mafunzo
Vituo vya sheria	Tumeweza kushirikiana na kituo cha sheria Mbeya hasa katika kutoa rufaa ya kesi zinazohitaji msaada wa kisheria.
Asasi zisizo za kiserikali mfano Planet Vision, Walter reed	Tumeweza kushirikiana nao katika kuchangia mawazo ya kuboresha shughuli mbalimbali za mradi unaoendelea.

Mipango ya Baadae

Shughuli gani zimepangwa kwa ajili ya Kipindi kijacho cha utoaji taarifa?

Shughuli Zilizopangwa	Mwezi wa 1	Mwezi wa 2	Mwezi wa 3
Kuendesha mkutano na viongozi wa vijiji na kata (60) ili kuhamasisha utetezi juu ya mwanamke hasa katika kuwasikiliza pindi wanapoleta malalamiko yanayohusisha uonevu na ukatili.	X
Kufanya mchakato mzima wa ufuatiliaji	X	X	X

Walengwa Waliofikiwa

Taja idadi kamili ya walengwa wanaoathirikia mradi wako kutoka kila kundi lifuatalo.

		Walengwa wa moja kwa moja	Walengwa wasio wa moja kwa moja
Wajane na Wagane	Wanawake	(Hakuna jibu)	(Hakuna jibu)
	Wanaume	(Hakuna jibu)	(Hakuna jibu)
	Jumla	(Hakuna jibu)	(Hakuna jibu)
Watu wanaoishi na VVU/UKIMWI	Wanawake	(Hakuna jibu)	(Hakuna jibu)
	Wanaume	(Hakuna jibu)	(Hakuna jibu)
	Jumla	(Hakuna jibu)	(Hakuna jibu)
Wazee	Wanawake	(Hakuna jibu)	23
	Wanaume	(Hakuna jibu)	11
	Jumla	0	34
Watoto Yatima	Wanawake	(Hakuna jibu)	(Hakuna jibu)
	Wanaume	(Hakuna jibu)	(Hakuna jibu)
	Jumla	(Hakuna jibu)	(Hakuna jibu)
Watoto	Wanawake	(Hakuna jibu)	(Hakuna jibu)
	Wanaume	(Hakuna jibu)	(Hakuna jibu)
	Jumla	(Hakuna jibu)	(Hakuna jibu)
Watu wenye Ulemavu	Wanawake	(Hakuna jibu)	(Hakuna jibu)
	Wanaume	(Hakuna jibu)	(Hakuna jibu)
	Jumla	(Hakuna jibu)	(Hakuna jibu)
Vijana	Wanawake	(Hakuna jibu)	(Hakuna jibu)
	Wanaume	(Hakuna jibu)	(Hakuna jibu)
	Jumla	(Hakuna jibu)	(Hakuna jibu)
Watu wengine	Wanawake	93	682
	Wanaume	57	368
	Jumla	150	1050

Kama "Watu wengine", eleza:

NIL

Matukio Mliyoyahudhuria

Eleza kama asasi yako imewahi Kuhudhuria Shughuli zozote ambazo zimeandaliwa na The Foundation.

Aina ya Tukio	Lini	Mambo uliyojifunza	Hatua zilizochukuliwa
Mafunzo ya Usimamizi wa Ruzuku	December 2010	Maana ya bajeti na umuhimu wake, uchambuzi wa bajeti, uandishi wa taarifa,Usimamizi wa fedha,Mpango kazi wa mradi, uandaaji wa taarifa za fedha, uandaaji na uhifadhi wa vitabu vya fedha	Kuboresha taarifa za fedha na taarifa za shughuri za mradi.
Tamasha la asasi za kiraia	2007	Kuheshimiwa kwa matakwa na sauti za wananchi ili kuepusha kuvunjika kwa jumuiya ya afrika mashariki	Kuelimisha wafanyakazi wa asasi na jamii juu ya umuhimu wa jumiya ya afrika mashariki