Marafiki wa Elimu Dodoma (MED)

Marafiki wa Elimu Dodoma (MED) added a News update.

Sun, 21 Apr 2013 08:23:44 +0000

WASICHANA NA CHANGAMOTO KATIKA MABARAZA YA WANAFUNZI

Ikionekana kama ilishazoeleka ya kuwa viongozi wengi wanaopaswa kuongoza kundi au vikundi vya watu ni lazima awe mwanaume na hivvyo kuchangia kwa kiasi kikubwa kuendelea na ile dhana ya mfumo dume katika jamii zetu.

Hili limeanza kuwa tofauti na mazoea hayo yanayoonekana kama kupitwa na wakati hasa kwa kile kinachoonekana kama ni mapinduzi ya amani na yenye changamoto ya kuleta mabadiliko hayo kuanza kuchukua nafasi kuanzia katika Nyanja mbalimbali zikiwemo mashuleni.

Katika hali isiyo ya kawaida katika shule nyingi za msingi katika Wilaya ya Chamwino zimekuwa na mabaraza mengi ya wanafunzi ambayo kwa sasa yanaongozwa na wasichana nahii imeonyesha kuwa kwa sasa mapinduzi makubwa ya kuondoa ile dhana ya mfumo dume huenda ikapotea kabisa na kuwa na usawa pasipo na ubaguzi.

Hizo ni moja ya juhudi za Shirika lisilo la kiserikali la Marafiki wa Elimu Dodoma (MED) linalotekeleza mradi wa Haki Zangu Sauti Yangu chini ya ufadhili wa Shirika la kimataifa la Oxfam GB tawi la Tanzania,katika Shule 20 zikiwemo 16 za Msingi na 4 za Sekondari.

Aidha awali ya yote wakati wa kuendesha mafunzo yake katika shule hizo kuna baadhi ya wadau walionyesha wasiwasi wao katika kudhani ya kuwa elimu hiyo ingeweza kuwa na matokeo tofauti ya uelewa wa kudai haki zao kama wanafunzi kwa kuwa na usumbufu kwa baadhi ya wanafunzi na walimu wao jambo ambalo limeonekana kuwa tofauti na lenye msaada mkubwa kwa walimu wenyewe.

“mwanzo nilikuwa na wasiwasi mkubwa juu ya haya mafunzo kwani niliamini kuwa ni kama tunaanza kuwajengea chuki wanafunzi dhidi ya walimu wao pindi watakaposhindwa kuelewa kile wanachofundishwa, lakini imekuwa tofauti na ni msaada mkubwa sana kwa sisi walimu kwani kwa sasa kazi nyingi zinafanywa na wanafunzi wenyewe’, alisema Mwalimu Hamisa Chama.anae fundisha shule ya Msingi Chalula iliyopo Wilayani Chamwino Mkoani Dodoma.

Akiongea na maofisa wa MED mwanafunzi Given Mbaigwa wa Shule ya Msingi Mkapa iliyopo wilayani Chamwino Mkoani Dodoma alisema ya kuwa mwanzo alikuwa na woga wa kutaka kugombea nafasi hiyo lakini alijipa moyo na kuamua

Marafiki wa Elimu Dodoma (MED) added a News update.

Mon, 18 Mar 2013 08:24:27 +0000

WAKETI KWENYE UDONGO DARASANI KWA UHABA WA MADAWATI

Wanafunzi katika shule ya msingi Chalula iliyopo Mvumi Makulu Wilaya ya Chamwino mkoani Dodoma wanakabiliwa na uhaba wa madawati na kusababisha kuketi chini huku baadhi ya madarasa yakiwa hayana sakafu.

Hayo yalibainika hivi karibuni wakati wa ziara iliyofanywa na shirika la Marafiki wa Elimu Dodoma (MED) ambapo lengo lilikuwa kufuatilia mradi wa ‘Haki zangu Sauti yangu’ unaotekelezwa katika shule 20 zikiwemo shule 16 za Msingi na 4 za Sekondari zilizopo wilaya ya chamwino pamoja na ufuatilaji wa matumizi ya maendeleo ya vitabu walivyotoa msaada katika shule hizo.

Kwa mujibu wa Mwalimu mkuu wa shule hiyo, Amina Mohamed, hali ya madawati katika shule hiyo ni mbaya kwani imefikia hatua wanafunzi wa darasa la tatu kuketi chini kwenye udongo kutokana na darasa kutokuwa na sakafu na kuwepo kwa msongamano wa wanafunzi 150 katika darasa moja.

Licha ya kuishukuru MED kwa kutoa msaada wa vitabu 1015 vya kiingereza, Hisabati na Atlasi katika shule hiyo, mwalimu huyo alisema kuwa mahitaji ya vitabu bado ni makubwa. Changamoto nyingine katika shule hiyo ni hali mbaya ya uchakavu wa majengo yasiyo na milango.

Tatizo la upungufu wa madawati imewakumba pia wanafunzi wa shule ya Msingi Mvumi Makulu kutokana idadi ya madawati 100 waliyo nayo kati ya madawati 407 yanayohitajika.

Mwalimu mkuu wa Shule hiyo, Mary Mabichi alisema wanakabiliwa na upungufu wa madawati 307 na vyumba vya madarasa ni vidogo hali inayosababisha wanafunzi kuketi kwa kusongamana. Alisema kuwa walijitahidi kushirikisha jamii ili kuweza kupunguza ukubwa wa tatizo hilo na waliweza kuchangia madawati 40.

Mabichi alisema wanafunzi wengi wanakaa wakiwa wamesongamana na madawati hayo yako katika madarasa mawili kati ya saba yaliyopo ambapo dawati moja hukaliwa na wanaafunzi watatu hadi wanne.

Alisema kuwa darasa la sita na saba huketi kwenye madawati huku madarasa yaliyobaki wanafunzi wanakaa chini. Pia alisema wanafunzi wa chekechea wamepewa madawati 10 ili wasione taabu kuja shuleni kwani wakati mwingine kukaa chini kunasababisha baadhi ya wanafunzi kuchukia shule.shule hiyo ilipokea jumla ya vitabu 1036 kutoka shirika la Marafiki wa Elimu Dodoma.(MED)

Marafiki wa Elimu Dodoma (MED) added a News update.

Sat, 16 Mar 2013 08:50:20 +0000

MIAKA SABA SHULE HAINA MWALIMU WA HESABU

Wakati serikali ikiwa imeunda tume ya kuchunguza chanzo cha matokeo mabaya ya kidato cha nne kwa mwaka 2012, zipo sababu nyingi zinazoonyesha dalili za awali za majibu yatakayoletwa na tume hiyo mara baada ya kukamilika kwa uchunguzi wake.

Hivi karibuni yalitangazwa matokeo ya watahiniwa wa kidato cha nne kwa mwaka wa masomo wa 2012 na kuonyesha ya kuwa 60.1% ya wanafunzi waliofanyamtihani huo walishindwa kufikia vigezo vya kuendelea na masomo. Hali hiyo ilionekama kama kuishitua jamii na wadau wa Elimu nchini.

Pamoja na kuwa na walimu wengi waliopo vyuoni na hata wale walipangiwa vituo vya kazi shule ya sekondari ya Buigiri iliyopo katika Wilaya ya Chamwino haijawahi kupangiwa mwalimu wa hesabu kwa mika saba sasa. Hali hii imesababisha kuwepo na mwenendo wa kusuasua katika somo hilo, kwani imelazimika kwa shule kuajili walimu wa muda wa kuweza kutoa msaada wa Huduma hiyo kwa wanafunzi wake.

Akiongea na Marafiki wa Elimu Dodoma (MED) katika ofisi yake Makamu Mkuu wa shule ya Buigiri sekondari Mwl. Razalo Njamasi alisema ya kuwa tatizo la kutokuwa na mwalimu wa hesabu katika shule yake ni la muda mrefu ambalo mpaka sasa hawajapangiwa mwalimu wa hesabu katika shule hiyo, ‘Tunalazimika kutafuta mwalimu wa muda kwa ajili ya kusaidia watoto wetu lakini serikali kama serikali haijawahi kutupangia mwalimu wa hesabu na tuna mwaka wa saba sasa tangu shule hii imeanza kufundisha’, alisema mwalimu Njamasi.

Aidha tatizo la kutokuwa na mwalimu wa somo hilo linalounganisha masomo ya sayansi limeonekana kama kuwa ni janga kwa wilaya ya Chamwino limeikumba pia Shule ya sekondari ya Chamwino ambayo yenyewe ina mwalimu mmoja tu wa hesabu ambaye hutoa huduma hiyo kwa zaidiya wanafunzi 472, hayo yalibainishwa na Mkuu wa shule hiyo Bwana Fedinand Komba alipokuwa akitoa taarifa fupi juu ya maendeleo ya Mradi wa Haki zangu Sauti yangu mradi unaoendeshwa na Shirika la Marafiki wa Elimu Dodoma kwa ufadhili wa shirika la kimataifa la Oxfam GB ya Uingereza tawi la Tanzania.

Bwana Komba alibainisha kuwa kwa kawaida mwalimu hupaswa kuwa na vipindi 40 kwa muhula lakini kutokana na tatizo la uhaba wa walimu analazimika kuwa na vipindi visivyopungua 60 kwa muhula, kitu ambacho kinamfanya hata yeye mwalimu mwenyewe kushindwa kuwamudu wanafunzi wote kwa wakati,’badala ya kufundisha vipindi 40 mwalimu huyu analazimika kufundisha vipindi zaidi ya 60 kwa muhula kitu ambacho inakuwa si rahisi kwa mwalimu huyu kuwamudu wanafunzi kwa wakati’, alisema mwl. Komba.

Lakini pia pamoja na hayo yote katika shule nyingi kumeonekana kuna changamoto ya kutokuwa na walimu wa masomo ya sayansi kama vile katika masomo ya Chemistry na Physics kitu ambacho kwa mujibu wa baadhi ya walimu walidai inasababishwa na kutokuwa na vifaa vya kufundishia kwa vitendo katika maabara za shule.’walimu wengi wanashindwa kuja kwanza unakuta vifaa vya kufundishia hakuna na kama unavyojua masomo haya mwanafunzi anapaswa kujifunza kwa vitendo zaidi kuliko kusiliza na kuandika tu’, alisema mmoja wa walimu wa Sekondari ya Chamwino.

Kuna haja kwa serikali kukaa na kujipanga upya katika kuhakikisha ya kuwa mgawanyo wa walimu unazingatia na uhitaji wa masomo yanayokuwa hayana kabisa walimu tena kwa kuyapa kipaumbele masomo ya sayansi ambayo mara nyingi ndio huonekana wanafunzi wengi hawafanyi vizuri katika mitihani yao ya mwisho kwenye masomo haya.

Marafiki wa Elimu Dodoma (MED) added 11 News updates.

Wed, 27 Feb 2013 11:36:00 +0000

Katika utekelezaji wa kweli wa maendeleo ya Tanzania tunahitaji viongozi wachapakazi wenye moyo wa kutumikia wananchi na kukubali ushauri bila kujali nyadhfa zao. Bi.Fatma Said Ally ambaye ni Mkuu wa Wilaya ya Chamwino ni miongoni mwa viongozi ambao wanapongezwa na wananchi kutika juhudi zake za kuwa karibu na wananchi,taasisi pamoja na wadau katika Wilaya yake kwa lengo la kuwaletea maendeleo. MED inampongeza kiongozi huyu na kumtakia kila la kheri katika kutimiza azma yake ya kuifanya Wilaya ya Chamwino kuwa Wilaya zenye maendeleo chanya.(Pichani aliye simama ni mkuu wa Wilaya ya Chamwino Bi.Fatma Said Ally,kulia ni Bw. Baltazar Ngowi Afisa utumishi mkuu wa halmashauri ya Wilaya ya Chamwino na kushoto ni Bw.Davis Makundi mratibu wa shirika la Marafiki wa Elimu Dodoma.)(MED).

Marafiki wa Elimu Dodoma (MED) updated its Picha za Matukio page.

Wed, 27 Feb 2013 07:41:15 +0000

Mwenye nyumba hii anahitaji kukutana na Tume ya Rais ya kukusanya maoni juu ya Marekebisho ya Katiba; wajumbe wa tume watamfikiaje huyu? taarifa za ujio wa Wajumbe wa Tume atazipataje?

Baadhi ya wanafunzi wa shule ya Sekondari Wella iliyoko Manispaa ya Dodoma hutembea umbali wa zaidi ya Km 10 kwenda na kurudi shuleni kila siku. Shule hii ni ya Kata ya Kikuyu Kusini.

Mandhari ya Mji wa Singida.

Hizi ni picha za bafu na Choo kwa wavulana wa shule ya sekondari Mbabala

Hili ni Bweni la wavulana katika shule ya sekondari Mbabala!

Humu ni ndani ya Bweni la wavulana katika shule ya Mbabala Sekondari

Moja ya nyumba ambayo baadhi ya wanafunzi wa shule ya sekondari Mbabala "GHETO" wamepangisha na kuishi humu. Kwa nyumba kama hii; tutarajie nini kwa wapangaji hawa?

Wajasiriamali wa biashara ya Mkaa wakisaka wateja.

Kwa kitabu hiki hawa watoto wanasoma nini na wataelewaje? Tutafute kwanza kipande kilicholiwa na mchwa ndipo tupe kazi ya kujibu maswali! Ama kweli tuzisubiri fedha za rada zinaweza kupunguza tatizo hili. Shule ya Pahi iko Mkoani Dodoma katika Wilaya ya Kondoa.

Kibao kinachokataza kutumia lugha ya kirangi na kusisitiza kutumia kiswahili katika shule ya sekondari Chagaa iliyoko Wilayani Kondoa Mkoa wa Dodoma. Wanafunzi wa shule hiyo hutumia zaidi lugha ya Kirangi kuliko Kiswahili na Kiingereza kwao ni majaaliwa ya Muumba.

Mlezi wa wanafunzi wa kiume katika shule a Kikuyu Sekondari Tumaini Wambura akitoa ushauri na rai kwa washiriki wa mjadala wa Club ya Marafiki kuzingatia maadili ili kutimiza ndoto yao ya kuhitimu Elimu ya Sekondari kwa mafanikio na kwenda kutumikia jamii.

Mwanafunzi Samwel wa kidato cha pili akichangia mawazo yake katika mada iliyokuwa ikizungumzia juu ya tabia ya walimu kufanya mapenzi na wanafunzi, chanzo ni nini?

Mwl. Teddy Swai mlezi wa Club ya Kikuyu Sekondari akichangia mada kwenye mjadala wa Club ya Marafiki wa Elimu katika shule ya Kikuyu.

Mwandishi wa Habari kutoka Kituo cha TV cha Chanel 10 akipiga picha wakati mwanafunzi Ruthilinda Egberth akichangia katika mjadala wa wanafunzi wa Club ya Marafiki wa Elimu Dodoma katika shule ya Sekondari Kikuyu ya Dodoma.

Mchangiaji katika Mjadala wa katiba akisisitiza jambo wakati wa mjadala wa katiba uliofanuika Mjini Dodoma na kuhudhuriwa na wakazi wa mji huo zaidi ya 300.

Wakzi wa Wilaya ya Dodoma Mjini waliofurika katika ukumbi wa Dodoma Sekondari kwa ajili ya kuchangia katika mjadala wa Katiba ulioandaliwa na Mtandao wa Mashirika yasiyo ya Kiserikali Wilaya ya Dodoma Jini (DUNGONET)

Mkuu wa Wilaya ya Bahi ambaye pia ni Kaimu Mkuu wa Wilaya ya Dodoma Mjini Bibi Betty Mkwasa akisoma hotuba ya ufunguzi wa Mjadala wa Katiba ulioandaliwa na DUNGONET kwa ufadhili wa shirika la The Foundation for Civil Society la jijini Dar Es Salaam

Mkutano wa Marafiki wa Elimu Taifa uliofanyika Mjini Dodoma 24-26 Agost,2011.

Biashara ya vyuma chakavu mjini Dodoma ni miongoni mwa biashara ambazo zimeteka sana muda wa watoto na kujiingiza kwenye utafutaji fedha kupitia biashara hiyo. Mtoto huyu hakuwa tayari kutaja jina, mahali anapotoka wala shule anayosoma hapa Dodoma.

Huyu si mtoto wa mitaani; ni mjasiriamali mdohgo ambaye huokota vyuma chakavu na kwenda kuviuza kisha kujipatia fedha za matumizi yeye na wazazi wake. Kijana huyu wa darasa la nne katika shule ya msingi Mnadani kwa siku hujipatia kiasi cha kati ya sh. 1200 - 1800. Hufanya kazi hii kwa siku za mapumziko ya mwisho wa juma, sikukuu na likizo.

Kijana Samson mwanafunzi wa darasa la nne katika shule ya Msingi Ngh'ongh'onha Manispaa ya Dodoma akiwa kabeba miwa kwa ajili ya kwenda kuuza kwa wateje wake mitaani.

Bweni la wavulana katika shule ya Sekondari Mbabala iliyoko Manispaa ya Dodoma. Kwa hali hii tutarajie matokeo gani kwa wanafunzi zaidi ya 43 wanaoishi katika ghala hili ambalo leo nimebadilishwa jina na matumizi hadi kuuwa Bweni bila marekebisho?

Hivi ndivyo Bweni hili linavyo onekana kwa ndani.

Choo chenye matundu mawili kinacho tumiwa na wavulana zaidi ya 43 wa Mbabala Sekondari Manispaa ya Dodoma Mkoani Dodoma.

Bafu la wavulana katika shule ya Sekondari Mbabala.

Walioshindwa kuishi kwenye Bweni wakaamua kujipangishia vyumba nje ya shule (kwa wana kijiji); swali hapa ni je, usalama wa watoto hawa ukoje kimaadili, kimalezi na hata kuzingatia ratiba yao ya masomo hapa shuleni?

Emmanuel John (13) ni mwanafunzi wa Kidato cha Pili katika shule ya Mbabala na pia ni mpangaji katika nyumba za wenyeji kijijini hapo. Emmanuel anatamani sana kuhama katika shule hiyo kwa kile anachodai kuwa ni kokosa muda wa kujisomea kutokana na kubanwa na kazi za nyumbani ikiwa ni pamoja na kutafuta maji, kupika nk.

Wakazi wa Kata ya Kikuyu wakisubiriana chini ya mti wenye chemchem kwa ajili ya kuchota Maji kwa matumizi ya nyumbani.

Wanaharakati wa Warsha ya Jukwaa la Katiba Wakisikiliza michango ya washiriki.

Usafi wa Mazingira ni njia muhimu ya kupunguza mazalia ya mbu waenezao malaria.

Jenngo hili ni mfano wa moja ya majengo yaliyojengwa kwa fedha za Mpango wa Kuboresha Elimu ya Msingi (MMEM) katika shule ya Msingi Amani iliyoko Manispaa ya Dodoma mwaka 2005.

Mjini ni kazi na kilimo; utakula nini bila kushiriki kwenye uti wa mgongo wa Taifa hili? Acha uvivu wa kujifanya mtoto wa mjini; Shiriki kuzalisha shambani.

Mjumbe wa Bodi ya AFNET Mch. Kanyamala (wa kwanza kushoto) na Mkurugenzi wa AFNET Taifa Bi. Sarah Mwaga wakti wa maadhimisho ya kupinga ukatili wa wanawake Mkoani Singida.

Baadhi ya wanaharakati waliongana na wakazi wa mji wa Singida katika maadhimisho ya siku 16 za kupinga ukatili wa kijisnia. Maadhimisho hayo yaliongozwa na ujumbe wa "Pinga Ukatili Imarisha Familia"

Mwakilishi wa Chama cha Viziwi Tanzania (CHAVITA) Bw. Ally Jumanne aliye simama katikati akichangia mada katika Mdahalo wa Wagombea Ubunge jimbo la Dodoma Mjini ulioandaliwa na Mtandao wa Asasi za Kiraia Mkoani Dodoma (NGONEDO) 2010.

Wasanii wakitoa Elimu kwenye Moja ya Mikutano ya Kampeni za Uchaguzi Mkuu 2010

Wadau wa Habari na wanaharakati wakizuru kaburi la Mtemi Mazengo katika Kijiji cha Mvumi Makulu Wilaa ya Chamwino Moani Dodoma.

Kaburi la Mtemi Daudi Salomona Mazengo Chalula aliyefariki Tarehe 17 Januari, 1967 anakadiriwa kuwa na Umri wa Miaka 106.

Pichani juu ni Fullgence Ngonyani akifurahia mchezo wa kuruka wakati picha ya chini ni Prince E. Kimaro .

Mchezo wa kuruka ni moja kati ya michezo inayojenga Afya na kuboresha uwezo wa Ubongo kufikiri na kutoa maamuzi kwa haraka.

Marafiki wa Elimu Dodoma (MED) added 3 News updates.

Mon, 25 Feb 2013 19:21:29 +0000

UJIRA WA WALIMU UZINGATIE MAZINGIRA WANAYOPANGIWA

Imekuwa ni kama kawaida kusikia ya kuwa wapo walimu wengi wanaoshindwa kulipoti kwaenye vituo vya kazi kutokana na sababu mbalimbali ikwemo ugumu wa mazingira ya kufanyia kazi, vitendea kazi na hata uhakika wa maslai yao kuwafikia kwa wakati.

Hayo yamezungumzwa na wadau wa elimu mkoani Dodoma wakati wakiwa kwenye shughuli za ugawaji wa msaada wa vitabu katika wilaya ya chamwino mkoani humo. Akiongea na mratibu wa shirka lisilo la kiserikali la marafiki wa elimu mkoani Dodoma Mwl Abinery Malogo wa shule ya msingi Wiliko alisema wamekuwa wakipata shida sana hasa pale wanapojikuta asilimia zaidi ya 25% ya mishahara yao inatumika katika nauli katika kipindi kinapofika cha kwenda kuchukua mishahara yao. Aidha mwl malogo alilalamikia pia kuona walimu waliopo mijini waapewa kiwanngo sawa na wale wanaoishi vijijini.

(Moja kati ya ofisi ya walimu kama inavyoonekana katika shule ya msingi Mzula iliyopo wilayani Chamwino)

kitu ambacho amedai kuwa hali hiyo imekuwa ni tatizo kubwa na linaloonekana kama ni uonevu kwani kwa wao kukubali kutumikia maeneo ya vijijini.

Hakika kama walimu waliopo vijijini wangekwa wanapatiwa kiwango kikubwa tofauti na wanachopewa sasa hakika walimu wengi wengi ambao wamekuwa wakipangiwa katika maeneo ya vijijini wangekuwa wanaripoti kwa wakati na kufanya kazi kwa moyo mmoja na kuwa na uhakika wa kuwa na maisha bora na ya mfano kwa wote wanaopenda kuwa walimu.

Mbali na ugumu wa mazingira pia baadhi ya vitu vilivyoonyesha kuhatarisha maisha ya wlimu hao ni pamoja na uchakavu wa majengo, kama vile ofisi za walimu,vyoo kutokuwa na madarasa ya kutosha kitu kinachowalazimu baadhi ya wanafunzi kufundishiwa sehemu zisizo kidhi matakwa yao, pia ukosefu wa madawati ya kukalia wanafunzi imeonekana ni kikwazo katika maeneo mengi wilayani humo. Mbali na ukosefu wa madawati lakini pia wapo wanafunzi wanaosomea chini ya miti kitu ambacho kinaonekana kama ni hadithi za kale, lakini ukweli ndivyo ulivyo kwenye maeneo mengi ya vijijini mkoani Dodoma.

Marafiki wa Elimu Dodoma (MED) updated its Washirika page.

Mon, 25 Feb 2013 18:55:27 +0000

MED inatafuta washirika ambao wako tayari kushirikiana katika kazi mbalimbali. Kama uko tayari kushirikiana nasi tafadhali usisite kuwasiliana nasi wakati wowote.

Kwa sasa washirika wa MED ni:-

OxfarmGB
HakiElimu ya jijini Dar es Salaam
UWEZO.net ya jijini Dar es Salaam
ILO
The Foundation for Civil Society
BBC Media Action
CARE - Tanzania

Marafiki wa Elimu Dodoma (MED) added a News update.

Sat, 23 Feb 2013 15:04:44 +0000

MED KUGHARAMIA MITIHANI YA MAZOEZI IV KIKUYU SEKONDARI.

Shirika la Marafiki wa Elimu Dodoma MED litagharamia uchapishaji wa mitihani ya Mazoezi kwa wanafunzi wa kidato cha nne katika shule ya sekondari Kikuyu ili kuongeza maarifa kwa wanafunzi wa shule hiyo wanaotarajiwa kufanya mtihani wa kuhitimu kidato cha nne mwezi Novemba, 2013.

Uamuzi huo wa MED umetolewa katika kikao cha pamoja kati ya wazazi, wanafunzi na walimu wa kidato cha nne wa shule hiyo kilichoitishwa kwa lengo la kutathimini matokeo ya kidato cha Nne 2012 na kujipanga kwa ajili ya matokeo ya mtihani wa mwaka huu.

Akichangia katika kikao hicho Mratibu wa MED Bw.Davis Makundi Amesema kuwa ili kuhakikisha kuwa wahitimu wa mwaka huu wanafanya vizuri hapana budi jamii,walimu,wazazi,wanafunzi na wadau mbalimbali kuungana pamoja kuwawezesha wanafunzi kupata mazoezi ya mara kwa mara ya majaribio ya mitihani ya kujipima

Akiwasilisha taarifa ya maandalizi ya mtihani wa kidato cha nne 2013 kwa wazazi mwalimu wa taaluma shuleni hapo Francis Tumaini Wambura amesema kidato cha nne kwa mwaka huu kina wanafunzi 168 ambao wanatarajiwa kufanya mtihani wa kuhitimu kidato cha nne.

Kwa mujibu wa taarifa za idara ya taaluma shuleni hapo kati ya wanafunzi 168 wanaotarajiwa kufanya mtihani wa kidato cha nne mwaka huu wanafunzi 21 mpaka sasa hawaja sajiliwa kutokana na utoro.

Aidha taarifa zimeongeza kuwa zoezi la kulipia ada ya mtihani wa taifa linalotarajia kukamilika tarehe 28 mwezi huu wa pili inaonekana kusuasua ambapo wanafunzi 40 pekee ndio waliolipia ada hiyo hadi sasa.

Marafiki wa Elimu Dodoma (MED) updated its Team page.

Thu, 21 Feb 2013 20:07:58 +0000

TIMU YA MED 2011

Mr. Davis Makundi - Cordinator

L. Makunja - Prog/Officer Barakaely Mossi MED Clubs

********************************************************************

MED BORAD MEMBERS

Dk. Sinda H. Sinda C/P

M/s Salama Salum V/CP Mr.Davis Makundi - Secretary

Marafiki wa Elimu Dodoma (MED) updated its Projects page.

Thu, 21 Feb 2013 20:06:00 +0000

MIRADI MIPYA YA MARAFIKI WA ELIMU DODOMA (MED) 2013

Mradi wa Haki Zangu Sauti Yangu/My Rights My Voice(MRMV) 2013.
Mradi wa vipindi vya Radio 2013.
Mradi wa Youth 2 Youth 2013.
Mradi wa Utafiti wa Elimu 2013.

.........................................................................................................................

VIPINDI VYA RADIO - DODOMA

MED kwa ushirikiano na shirika la HakiElimu katika kipindi cha Mei, 2012 hadi Nobvemba, 2012
tutaendesha vipindi vya Radio katika kituo cha Radio Sports FM cha Dodoma. Katika vipindi hivo mada mbalimbali zitajadiliwa na washiriki kutoka Wilaya za Dodoma, Kondoa, Mpwapwa, Bahi na Chamwino.

Lengo la vipindi hivi ni kuongeza ushiriki wa wananchi katika kujadili masuala mbalimbali ya kijamii hususan katika kuboresha Elimu na Demokradsia nchini.

MRADI WA KUHAMASISHA UTAWALA BORA NA DEMOKRASIA SHULENI

MED kwa mwaka 2012/2013 itatekeleza mradi wenye thamani ya zaidi Tsh.50,000,000/= kaika shule zaidi ya 20 za Msingi na Sekondari katika Wilaya ya Chamwino Mkoani Dodoma.

Mradi huu utakao husika na kujenga uwezo wa Mabaraza ya wanafunzi, Kamati za Shule, Bodi za Shule na Menejimenti za shule unafadhiliwa na shirika la kimataifa la Oxfam GB.

MRADI WA MAKTABA ZA JAMII.

MED inaendelea kufanya mazungumzo na ofisi ya Afisa Mtendaji wa kata ya Kikuyu Kusini kwa ajili ya kufungua Maktaba ya Jamii itakayo hudumia wakazi wa Kata a Kikuyu Kusini, Kikuyu Kaskazini na Mkonze katika Manispaa ya Dodoma. Iwapo mradi huo utafanikiwa; wanafunzi wa shule za sekondari za Kikuyu, Mkonze, Chidachi na Wella pamoja na wanafunzi wa shule za msingi Mkonze, Kikuyu A, Kikuyu B, Mkonze na Chidachi watanufaika na huduma hiyo ya Maktaba.

MED imekuwa ikijihusisha na shughuli za kuhamasisha jamii kuboresha Elimu, Kushiriki katika Mikutano ili kuongeza ushiriki wa wananchi katika masuala ya kijamii na kukuza Demokrasia, Kuelimisha vijana na jamii kuhusu madhara ya Matumizi ya Madawa ya Kulevya, Madhara ya UKIMWI kwa jamii na Taifa, Kuhamasisha Utamaduni kwa kuwa na vikundi vya Sanaa; na pia MED inahamasisha jamii katika kuhakikisha kuwa inalinda Afya zao dhidi ya Magonjwa kama Malaria, Kipindupindu nk.

Mwaka 2010 MED kwa uhisani wa Shirika la HakiElimu na Kifimbo FM; iliendesha vipindi 23 vya Radio vilivyojadili masuala mbalimbali ya Elimu ikiwemo Elimu ya Demokrasia katika kipindi cha Uchaguzi Mkuu wa Rais, Wabubge na Madiwani. Mwaka 2011 MED kwa kushirikiana na HakiElimu na Uwezo.net itaendelea na mradi wa kuendesha vipindi vya Radio kwa ajili ya Uhamashishaji wa Kuendeleza na kuboresha Elimu Mkoani Dodoma.